Apple нема да го издаде iPhone 17 наскоро – веројатно ќе го видиме откако Google ќе ја издаде својата серија Pixel 10. Сепак, тоа не ги спречува соперниците да се „боцкаат“ меѓусебно.
Сите муабети за линијата iPhone 17 во моментов се само гласини и наводни инсајдерски информации бидејќи сме толку далеку од најавата. Сепак, се чини дека на Google не му е гајле за времето и ги користи најновите гласини за да испрати нова серија провокации на адресата на „јаболкото“.
Нова реклама во серијалот „BestPhonesForever“ излезе оваа недела наречена „Одговор на гласини“.
Рекламата ги прикажува iPhone и Pixel 9 Pro, кои ги коментираат неодамнешните гласини за серијата iPhone 17. iPhone одговара на ова велејќи „би било лудост Apple и неговиот нов уред да го прават истото како Google, само години подоцна“.
Pixel одговара велејќи колку неверојатно звучи тоа, пред iPhone да наведе три функции што iPhone навидум ги добил откако Google вовел слични идеи.
Се споменуваат работи како Night Sight, Magic Eraser и widget, со временски рамки од една, три и девет години што укажуваат колку време поминало откако Google ги воведе.