Иако претходно се појавија информации за можната цена на iPhone Fold, сега имам нови шпекулации.
Претходно беа објавени информации дека претстојниот Apple iPhone Fold би можел да чини помеѓу 2.000 и 2.500 долари, додека поновите извештаи сугерираа цена од околу 2.300 долари.
Сега, најновите информации доаѓаат од дојавувачот Instant Digital, кој верува дека цената на моделот iPhone Fold ќе се движи помеѓу 2.100 и 2.300 долари.
Според соопштението, цените се проценети врз основа на тековните профитни маржи на Apple. Тоа би го ставило iPhone Fold пред неговите конкуренти, како што се Samsung Galaxy Z Fold6 (1.900 долари) и Google Pixel 9 Pro Fold (1.800 долари).
Дополнително, првиот телефон на Apple што се преклопува би бил речиси двојно поскап од актуелниот најмоќен модел во понудата на компанијата од Купертино – iPhone 16 Pro Max, кој чини 1.199 долари.
Според сегашните гласини, Apple ќе го претстави својот iPhone Fold следната година, а Samsung се очекува да обезбеди и 5,5-инчен надворешен и 7,8-инчен главен, внатрешен флексибилен дисплеј за овој телефон.