Со најновата серија Galaxy Buds3 од Samsung Electronics, корисниците можат да откријат целосно ново ниво на имерсивно слушање и комуникација во секое време, каде и да се – без разлика дали уживаат во музиката или се фокусирани на повиците. Серијата Galaxy Buds3 испорачува удобност, богат квалитет на звук и напредни функции за вештачка интелигенција за неспоредливо звучно искуство.

Редакцијата на Samsung се сретна со Хелен Нам (Helen Nam) и Донги Ким (Donggi Kim) од Групата за планирање на носиви производи, Mobile eXperience Business во Samsung Electronics, за да дознае повеќе за тоа што беше вклучено во создавањето на новите Galaxy Buds3 и Buds3 Pro.

▲ (од лево) Хелен Нам (Helen Nam) и Донги Ким (Donggi Kim)

Создавање удобност со помош на 3D податоци за уши и AI анализа

П: Која беше вашата најголема грижа при планирањето на серијата Galaxy Buds3?

Нам: За серијата Galaxy Buds3 имавме интерна цел да ги планираме новите производи од нула, наместо да ги подобруваме претходните верзии. Удобноста беше најважниот фактор за серијата Galaxy Buds, бидејќи ергономската удобност е основа за врвен квалитет на звук и комфор. Бидејќи човечкото уво е уникатно како отпечатокот од прст, направивме обемни истражувања за формите на ушите и собравме разновидни 3D податоци за уши. Врз основа на нашите наоди, успеавме да дојдеме до нов дизајн со посигурна удобност.

▲ Хелен Нам го објаснува процесот на планирање за новата серија Galaxy Buds3.

П: Како Galaxy AI влијаеше на планирањето на серијата Galaxy Buds3?

Ким: Целта ни беше да испорачаме персонализирано искуство на слушање за секој поединец со помош на AI. Кога корисниците ја носат серијата Galaxy Buds3, звукот и функцијата за активно поништување на бучава (ANC) се оптимизирани врз основа на AI алгоритми што ги анализираат разликите во звукот во реално време преку внатрешните и надворешните микрофони. Galaxy AI беспрекорно ја комплетира употребливоста и функционалноста на новиот надворешен дизајн.

▲ Донгги Ким ги претставува AI функциите на серијата Galaxy Buds3.

Нам: Благодарение на Galaxy AI, искуството со комуникација што го нуди серијата Galaxy Buds3 значително се подобри. Поточно, квалитетот на повиците е подобрен, бидејќи AI технологијата може да го обновува гласот на повикувачот во различни бучни средини. Исто така, режимот за слушање (Listening Mode) може да се користи во функцијата Преведувач (Interpreter) кога слушалките се поврзани со Galaxy смартфон.

Супериорен квалитет на звук и оптимална употребливост

П: Кој дел од процесот на планирање ви беше најнезаборавен?

Ким: Посетивме разни продавници за звучници и слушавме различни видови звучници за да добиеме сознанија за квалитетот на звукот. Покрај тоа, присуствувавме на детални семинари за звук, предводени од познат професор по звук, и користевме различни методи за да постигнеме софистициран ултра hi-fi звук. Задоволни сме што нашите напори беа наградени со позитивни повратни информации од корисниците кои го ценат балансираниот звук на Galaxy Buds3 Pro, од басот до високите тонови.

Нам: Евалуацијата на потрошувачите во раните фази на производството беше навистина незаборавно. Според нашето истражување, многу корисници сакаа детална контрола врз звукот и поништување на бучавата – токму затоа додадовме прилагодлива функција што им овозможува на корисниците фино да го подесуваат еквилајзерот (EQ) и да ја контролираат бучавата според нивните вкусови. Одразот на повратните информации од корисниците во почетната фаза на развојот на производот беше многу значаен за нас. Исто така, би сакала да им се заблагодарам на изработувачите за нивната активна поддршка во текот на целото патување.

▲ (Од лево) Хелен Нам и Донги Ким споделуваат сознанија за развојот на серијата Galaxy Buds3.
▲(Од лево) Galaxy Buds3 Pro и Galaxy Buds3.

П: Која ви е омилената функција од серијата Galaxy Buds3?

Нам: Би сакала да ја истакнам функцијата Гласовна команда (Voice Command) – функција која им овозможува на корисниците да ја контролираат својата Galaxy Buds3 серија со својот глас, без да го допираат паметниот телефон или слушалките. Кога рацете им се зафатени со миење садови или фрлање ѓубре, тие можат да го прилагодуваат волуменот, да ја менуваат музиката или дури и да одговараат на повици со едноставна гласовна команда. Секоја функција во серијата Galaxy Buds3 е внимателно дизајнирана за да одговара на различни кориснички сценарија.

Иднината на звучните иновации

П: Како би ја опишале новата серија Galaxy Buds3 во еден збор или реченица?

Ким: За мене проектот е спој на мојата страст и професија. Како аудиофил со силен интерес за аудио производи, сигурна сум дека серијата Galaxy Buds3 обезбедува најдобри перформанси. Серијата Galaxy Buds3 е производ што со целосно срце можам да го препорачам на секого.

Нам: Јас би рекла дека е како „витамин“. Од планирањето до лансирањето јас се чувствував полна со енергија во секоја фаза на развојот на серијата Galaxy Buds3. Се надевам дека и корисниците ќе се внесат во овој нов свет на звук и ќе стекнат виталност со Galaxy Buds3 Pro.

П: Што е следно за серијата Galaxy Buds?

Нам: Сакаме да ја адаптираме серијата Galaxy Buds во производ кој користи AI за подобро разбирање на индивидуалните корисници. Освен обезбедување на совршен звук прилагоден на секој корисник, се надеваме дека уредот ќе може да понуди оптимизирани решенија за корисниците во различни области, вклучувајќи и превод.
Ким: Звучната иновација е бескрајно патување. Постојано соработуваме со програмерите за да ги подигнеме богатството и автентичноста на звукот. Ние ги цениме постојаната поддршка и интерес од нашите корисници..

▲ (Од лево) Донги Ким и Хелен со најновата серија Galaxy Buds3.

Серијата Galaxy Buds3 претставува значајна пресвртница во историјата на Galaxy Buds со нов дизајн и моќни AI способности. Samsung со нетрпение очекува Galaxy Buds да продолжат да испорачуваат префинети аудио искуства и збогатен звук. Следете нè!

 

За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.