По познатите личности, некои други институции и компании одбиваат да платат за да добијат ознака за верификација на Твитер.
Неодамна, во медиумите се појавија вести дека многу познати личности се побуниле против правилата на Твитер, кои налагаат дека верификацијата на сметката ќе мора да вклучува и претплата на Твитер.
Сега, голем број американски институции и компании, вклучително Белата куќа и Њујорк Тајмс, протестираа против плаќањето на ознаката за проверка и одбиваат да платат 1.000 долари месечно за да ја задржат ознаката за проверка на Твитер.
Твитер, на чело со милијардерот Илон Маск, претходно објави план да им наплати на бизнисите и организациите основна такса од 1.000 долари месечно за да остане верификувана на платформата. Планот предвидува златни значки да се доделуваат на брендови и компании, додека сиви значки се резервирани за државните институции.
Сепак, некои компании јасно ставија до знаење дека не планираат да плаќаат вакви ознаки.
„Не планираме да плаќаме месечна претплата за нашите корпоративни Твитер сметки“, рече портпаролот на Њујорк Тајмс, Чарли Стетландер во соопштението.
Во интерен допис до персоналот на порталот Политико, се вели и дека компанијата нема да плаќа претплата за Twitter Blue, а секој што сака може да се претплати на свој трошок.
Главната уредничка на Лос Анџелес Тајмс, Сара Јасин, во писмо до редакцијата посочила дека сопственикот на тој медиум нема да плаќа за претплати на Твитер Блу, ниту ќе се верификува сметката на самата организација.
Твитер претходно соопшти дека купувањето хаштаг им овозможува на корисниците пристап до функциите на претплатниците, како што се помалку реклами на нивниот тајмлајн како и приоретизирање на разговорите на социјалната мрежа.