По месеци гласини и нагаѓања, Google Pixel 4a телефонот е официјално претставен. Оваа година не ја добивмеXL верзијата, па достапниот Pixel пристигнува со големина на екранот од 5,81 инчи.
Смартфонот го покренува Snapdragon 730G чипсет, со 6GB RAM и 128GB простор за складирање. Не постојат верзии со повеќе простор за складирање, а нема ни опција за проширување преку microSD картички.
Дисплејот од 5.81 инчи е OLED со 1080 x 2340p резолуција и 19.5:9 однос на страници. Во дисплејот се наоѓа punch-hole отвор за 8MP предна камера во горниот лев агол на екранот.
На задната страна се наоѓа една 12.2MP 1/2.55″ камера со 1.4µm пиксели и f/1.7 отвор на бленда, која поддржува Night Sight, Portrait Mode, Top Shot и други режими. Присутна е и оптичка стабилизација на сликата.
Pixel 4a го напојува 3140mAh батерија со поддршка за Power Delivery 2.0 стандардот до 18W. Уредот има и 3,5 мм приклучок за слушалки.
Google Pixel 4a ќе биде достапен само во Just Black варијанта, по цена од 340 во Европа, а ќе се продава од 20. август.