Аналитичарот Марк Гурман има нови информации за објавувањето на освежената верзија на компјутерот Apple iMac.

Последното ажурирање на компјутерот iMac го видовме во април 2021 година, кога Apple го имплементираше чипот M1 и новиот mdesign со седум бои.

Сепак, според последните информации, оваа верзија на популарниот iMac би можела да биде достапна уште некое време.

Во своето соопштение, аналитичарот и новинар Марк Гурман истакна дека Apple не планира да објави нов 24-инчен iMac модел пред крајот на 2023 или почетокот на 2024 година.

Покрај тоа, Гурман исто така тврди дека Apple планира да ја прескокне најавата за компјутери со чипот M2, а наместо тоа, iMac ќе добие M3 процесор.

Чипот М3 се очекува да биде создаден во процес на производство од 3 нанометри, а тоа ќе се одрази на неговата поголема моќ на процесирање и подобра потрошувачка.