На интернет се појавија првите детали и фотографии од претстојниот паметен часовник Google Pixel Watch.
Досегашните достапни информации се резултат на необични околности, бидејќи Pixel Watch на Google, или прототипот на овој уред, бил заборавен во ресторан. Android Central ги поседува овие фотографии и ги објави без да наведе извор. Она што може да се види на фотографиите се согласува со претходно објавените рендери, а можете да ги видите тркалезното лице на часовникот и ротирачката круна.
Како што може да се види на фотографиите, физичката круна е поставена помеѓу две копчиња позиционирани на страните на часовникот. Ако оперативниот систем е сличен на Galaxy Watch на Samsung, тогаш копчињата ќе се користат за вклучување и исклучување на часовникот, враќање на главниот екран или како кратенка за прегледување на неодамна користените апликации. Мала дупка поставена до круната може да биде микрофон или можеби височина за следење на искачувањето по скалите. Може да се користат четири странични иглички за тестирање и може да не се дел од финалниот модел.
Долната страна на часовникот има црна рамка и нешто што изгледа како сензор во овална форма за следење на здравствените параметри. Извор на Android Central вели дека долната страна на часовникот е мазна, дека изгледа како да е направен од метал, но дека има слој од стакло над него, исто како што е случајот со Apple Watch.
Изворот не успеа да го вклучи часовникот, така што неговиот интерфејс останува „мистерија“. При обидот да го вклучи, на екроанот се појавило само логото на Google. Кај уредот не е пронајден полнач, па можно е полнење во куќиштето како и Apple Watch и паметните часовници Fitbit Versa 3 и Sense. Со часовникот имало и нараквица.