Новиот OnePlus 9RT телефон е надградба во однос на OnePlus 9R, и најмногу се фокусира на гејмингот и перформансите.
OnePlus 9RT 5G пристигнува со 6,62-инчен AMOLED дисплеј, со брзина на освежување од 120Hz и HDR10+ поддршка. Екранот има резолуција 1080 x 2400p (397 ppi) и сооднос 20:9.
Телефонот работи со Qualcomm Snapdragon 888 чипсет, со 8GB и 12GB RAM меморија и 128GB или 256GB простор за складирање UFS 3.1. Кога станува збор за ладењето, 9RT користи таканаречен “Space Cooling” со 59% поголем проводник на топлина што ја зголемува проводливоста на топлината за 20 проценти.
Во сегментот на камерите, главниот сензор е 50MP, а тука е и 16MP ултра-широката f / 2.2 камера и макро сензор од 2MP. На предната страна е сместена f / 2.4 камера од 16MP за селфи и видео повици.
Батеријата од 4500mAh има две ќелии и поддржува брзо полнење со Warp Charge 65T. Телефонот не поддржува безжично полнење, но брзото полнење од 29 минути би требало да ја наполни батеријата до врв.
OnePlus 9RT е официјализиран во Кина, а ќе се најде во продажба од 19 октомври по почетна цена од околу 510 долари. Ќе биде достапен во црна, сребрена и зелена боја, а нема информации за објава на глобалните пазари.
Покрај 9RT телефонот, OnePlus ги претстави и Buds Z2 безжичните слушалки. OnePlus Buds Z2 пристигнуваат со ANC, поддржуваат Dolby Atmos и имаат динамични драјвери од 11мм. За брза конекција користат Bluetooth 5.2. Слушалките имаат IP55 и IPX4 сертификати за заштита од вода. OnePlus Buds Z2 пристигнувaат во бела и црна боја, со цена од околу 77 долари.