Паметните раскрсници се следната важна работа што треба да се имплементира во однос на оптимизација на сообраќајот, особено ако се земе предвид дека има се поголем број на дигитално поврзани возила на патиштата
Се разбира, колку повеќе ова решение станува реалност, толку повеќе станува „мејнстрим“ и повеќе технологија е вткаена во него, од кои некои се толку напредни што изгледаат како научна фантастика. Пред околу десет години, никој не можеше да замисли дека воопшто ќе постојат.
Како пример може да ја земете Iteris, компанија која се занимава со интелигентно управување со сообраќајната инфраструктура. Таа ги претстави првото видео во светот со 1080p (HD) и четиридимензионален (4D) радарски сензор со интегрирани алгоритми за вештачка интелигенција (AI).
Едноставно кажано, станува збор за сензор за следење на сообраќајот, кој властите ширум светот можат да го инсталираат во своите системи за да добијат видео со висока резолуција (1080p) и 4D радарски податоци, користејќи технологија која ги интегрира алгоритмите за вештачка интелигенција.
Ова значи дека новиот сензор е способен да понуди неверојатно прецизно откривање, и на тој начин да открива не само автомобили, туку и камиони, мотоцикли, велосипеди и многу други возила. Матичната компанија вели дека сензорот е оптимизиран на таков начин што може да открие и ранливи учесници во сообраќајот, како што се пешаци.
Во случај да се прашувате зошто на центар за управување со сообраќај му се потребни вакви напредни податоци, треба да се истакне дека предностите што ги дава овој сензор одат подалеку од едноставниот пристап што вклучува следење на одредени раскрсници.
Центарот за контрола на сообраќајот може да се поврзе со соодветно опремени автомобили, така што информациите собрани од сензорот може да се испратат назад „на пат“, каде што може да се користат од возила од новата генерација и да се однесуваат соодветно. Затоа оваа детекција, потпомогната со вештачка интелигенција, е толку важна бидејќи нуди дополнителна прецизност и спречува испраќање дезинформации од поврзани возила.
Со други зборови, може да помогне да се избегнат судири, да се намали брзината кога ќе се открие присуство на пешаци, како и целокупната оптимизација на протокот на сообраќај, бидејќи на крајот, секој сака да избегне сообраќаен метеж на прво место.
Веројатно сме барем уште неколку години далеку од моментот кога таквите сложени сензори ќе станат вообичаена работа, но новата идеја на компанијата Iteris е доказ дека иднината е веќе тука.
Извор: Додај Гас