Surface Pro 8 би можел да биде претставен порано, а сега се забележани повеќе фотографии на Windows 10 таблетот на Microsoft. Компанијата изгледа не е претерано заинтересирана за подобрување на дизајнот на овој модел во однос на претходниот, но затоа тука се надградените спецификации.
Според прикажаниот хардвер за Surface Pro 8 прототипот, новиот модел би требало да има 32GB RAM, наместо 16GB колку што имаа Surface Pro моделите од претходната генерација. Прототипот го покренува Intel Core i7-1165G7 процесор од 11. генерација.
Таблет уредот и натаму има големи рамки околу дисплејот, лимитиран I/O, но сепак поседува USB-C порт. Не е познато дали ќе поддржува Thunderbolt 3. Исто така, нема информации за датумот на објава, а како што годината се приближува кон крајот, можеби би можеле да го видиме Surface Pro 8 во текот на празничната сезона.
Со оглед на тоа дека ќе се очекува дека Surface Pro 8 ќе биде премиум уред, се очекува и соодветна цена. Останува надежта дека во тој случај Microsoft барем ќе ја елиминира опцијата со 4 GB RAM и 128GB простор за складирање, како и дека значајно ќе го зголеми достапното складирање.