За оние кои планираат одмор во Грција, достапни се различни опции за купување SIM картички со интернет од грчки оператори.

Туристите можат да купат SIM картички со интернет од грчки оператори за 10 до 13 евра за два гигабајти (GB) за седум дена, а достапни се и пакети за туристи со неограничен интернет за 30 евра за еден месец.

Во Грција работат три главни мобилни оператори, COSMOTE, Vodafone и WIND (Nova), и сите нудат припејд интернет пакети што можат да се купат во продавници, трафики, аеродроми и главни туристички дестинации, објавува порталот „ГрчкаИнфо“.

За купување на SIM картичка во Грција е потребен пасош за регистрација, а дополнувањата се достапни на бројни локации низ целата земја.

Како што е наведено, важно е да се напомене дека цената на грчката SIM картичка чини пет евра, а минималната уплата е околу 12 евра.

Активирањето и користењето на пакетите најчесто се врши преку апликации или со повикување на одредени кодови.

Како што е наведено, COSMOTE има најдобра покриеност и брзина на интернет во земјата, а почетниот пакет чини 13,5 евра и има 2,5 GB интернет за седум дена, неограничени минути и 400 СМС пораки.

Vodafone нуди претплатени пакети од два GB за 10 дена за 10,90 евра, како и 18 GB за 30 дена за 18,10 евра.

Тие нудат и посебен туристички пакет со неограничен интернет и 200 минути за 30 евра месечно.

Трет оператор, WIND (Nova), нуди пакет од 3,5 GB интернет со 1.000 минути и 300 SMS пораки за 13 евра.

Операторот Frog Mobile, кој ја користи мрежата на Cosmote, нуди 6 GB интернет за 25 дена за 5,35 евра, а може да се купи на повеќето тезги и онлајн.

Оваа мрежа често нуди дополнителни поволности преку промотивни кампањи.

Друга опција што е исто така актуелна е eSIM картичката, или дигитална картичка во телефонот што функционира како обична SIM картичка.

При користење на картичката, нема потреба физички да ја менувате бидејќи сè се прави електронски, преку апликација или со скенирање на QR код, а најновите модели на паметни телефони веќе имаат вградена eSIM.

Некои од компаниите што нудат E-SIM картички во Грција се Airalo (1 GB за седум дена за 5 долари), Nomad (1 GB за седум дена за 4,50 долари), Holafly која нуди неограничен интернет за еден ден за 6,90 долари и MobiMatter (7 GB за 30 дена за 7,99 долари).