Microsoft објави планови за отпуштање на околу 9.100 вработени, или околу четири проценти од вкупната работна сила.
Одделот за игри ќе биде најтешко погоден, а извршниот директор Фил Спенсер во порака до тимот вели дека отпуштањата биле неопходни за зголемување на агилноста и ефикасноста, објавува „Сиетл Тајмс“.
„Денес донесуваме тешки одлуки за да обезбедиме успех во годините што доаѓаат“, рече Спенсер.
Microsoft бележи добри резултати во својот оддел за игри, но менаџментот вели дека селективното инвестирање е клучно за долгорочна одржливост, објавува порталот Verge.
Отпуштените вработени ќе добијат отпремнина, здравствено осигурување и поддршка при наоѓање нови работни места, се додава во соопштението.
Компанијата претходно отпушти повеќе од 6.000 вработени во мај и јуни. Microsoft вработи околу 228.000 луѓе низ целиот свет во јуни 2024 година.