Корисниците сепак ќе можат да преземаат ажурирања и претходно купени игри.
Nintendo откри кога ќе заврши поддршката за преостанатите онлајн услуги за конзолите 3DS и Wii U.
Почнувајќи од 8 април, повеќе нема да може да се влегува во натпревари со повеќе играчи од оригиналниот Splatoon или да се проверуваат нивоата на другите играчи во Super Mario Maker.
Update: as of 4/8, online play and other functionality that uses online communication will end service for Nintendo 3DS and Wii U software. Thank you very much for your continued support of our products.
Find out more: https://t.co/VdIdewGmB5
— Nintendo of America (@NintendoAmerica) January 24, 2024
Онлајн co-op игра, ранг листи и дистрибуција на податоци се меѓу карактеристиките што повеќе нема да ги има на ниту една од гореспоменатите конзоли.
Nintendo претходно истакна дека онлајн услугите на гореспоменатите системи ќе бидат исклучени во текот на април, но до сега не беше познат конкретен датум.
Игрите и режимите за еден играч ќе продолжат да функционираат на двете платформи.
Компанијата посочува дека ќе има некои исклучоци, па Pokémon Bank и Poké Transporter сепак ќе работат. StreetPass ќе работи и на 3DS, додека SpotPass ќе биде исклучен.