Издавачката куќа SEGA имаше фудбалски менаџерски игри во 1990-тите, направени за јапонскиот пазар.
Во меѓувреме, тие ги стекнаа правата за серијата Football Manager, но во малку изненадувачки пресврт, ќе лансираат уште една серија за симулација на фудбалски менаџери.
Ќе се вика SEGA Football Club Champions, а изданието за 2025 година ќе биде објавено оваа есен.
За разлика од Football Manager, овој менаџер ќе биде бесплатен за играње. Ќе има два режима: класичниот Career Mode за соло играње и Dream Team Mode кој е PvP мултиплеер.
Играта ќе понуди различни лиги низ целиот свет, со 10 илјади лиценцирани (вистински) фудбалери.
Обезбедени се лиценци за три јапонски дивизии, првата јужнокорејска лига, фудбалери под федерацијата FIFPRO, како и тимот на Манчестер Сити.
Играта ќе биде достапна за PC, PlayStation 4 и 5 и мобилни уреди.