Samsung се подготвува да прикаже уште една револуционерна иновација за време на саемот CES 2025 во Лас Вегас.
Јужнокорејската компанија Samsung се подготвува да го прикаже најголемиот флексибилен OLED дисплеј во светот за време на овогодинешниот саем CES.
Во 2022 година, Samsung претстави флексибилен OLED дисплеј од 17,3 инчи. Иако не ја користеше во сопствените производи, компанијата ја понуди технологијата на други брендови.
Сега Samsung ќе ги однесе работите на следното ниво, со 18,1-инчен свитлив OLED панел кој ќе биде претставен за време на CES 2025.
Кога е целосно отворен, екранот е со големина од 18,1 инчи (слично на голем лаптоп). Кога е преклопен, се собира на 13,1 инчи, што го прави попренослив.
Овој иновативен дизајн овозможува екранот да се користи и како монитор и како компактен екран на лаптоп. Со додавање на глушец и тастатура, може да функционира како целосна работна станица без никакви проблеми.
Се верува дека Samsung нема да произведува сопствен уред со овој екран, а технологијата ќе ја продава на производители како Lenovo, Asus и други.
Флексибилниот дисплеј треба да има функционалност со екран на допир, но бидејќи ќе има напредни технологии и гореспоменатата големина, се очекува и висока цена. Ова ќе го позиционира како премиум опција за уреди со висока класа.