Турскиот одбор за конкуренција во петокот соопшти дека ја завршил антимонополската истрага за Meta.
Турција спроведе истрага за споделување податоци меѓу платформите Threads и Instagram, но на крајот го прифати ветувањето на американската компанија дека ќе преземе соодветни мерки за да го реши овој проблем.
Постојните и новите корисници на социјалната мрежа Threads ќе можат да ја користат оваа платформа без истовремено да имаат сметка на Instagram, пренесува Reuters.
Луѓето кои ги користат двете споменати платформи во иднина можат да бидат сигурни дека нивните податоци добиени на Threads нема да се спојат со сметката на Instagram, освен ако самите клиенти не изберат опција за спојување на сметките.
Компанијата Мета претходно привремено го затвори Threads во Турција во април, во согласност со барањата на антимонополската истрага што беше покрената минатата година, додава британската агенција.
Турските власти го блокираа пристапот до Instagram на почетокот на август, поради непочитување на „законите и правилата“ на земјата и чувствителноста на јавноста, а пристапот беше повторно овозможен по девет дена.