Ако имате iPhone, имајте предвид дека наскоро можеби повеќе нема да можете да користите WhatsApp.
Како и секоја година, WhatsApp ќе ја прекине поддршката за некои од постарите верзии на iOS почнувајќи од 1 мај 2025 година.
Поточно, се работи за верзии на iOS кои се постари од iOS 15.1, што значи дека популарната апликација за пораки нема да може да работи на неколку модели на iPhone.
Конкретно, од 1 мај 2025 година WhatsApp повеќе нема да работи на моделите iPhone 5s, iPhone 6 и iPhone 6 Plus.
Корисниците на овие уреди нема ни да можат да пристапат до апликацијата, што значи дека доколку сакаат да ја користат, мора да купат нов телефон.
Ако сте еден од оние кои имаат намера да купат нов уред, можете прво да ги префрлите сите разговори на iCloud, а потоа да ги преземете само на новиот телефон користејќи ја функцијата Chat Transfer.
Корисни нови функции
Инаку, WhatsApp неодамна доби неколку нови функции кои се исклучително корисни. Прво, тука е функцијата Drafts и не сме сигурни зошто се чека толку долго за толку едноставна работа. Драфтс нуди „нов и лесен начин да ги пронајдете вашите недовршени пораки на WhatsApp“, се вели во официјалното соопштение.
„Само побарајте го индикаторот Draft на почетокот на пораката. Незавршените пораки ќе бидат на врвот за да можете полесно да ги најдете“, се додава. Нема многу филозофирање овде – не ни знаеме што да објасниме, тоа е едноставно функција која ви овозможува да продолжите со пораките што веќе сте ги започнале, а нејзиниот недостаток беше прилично фрустрирачки.
Ажурирањето што ја додава функцијата Drafts на WhatsApp штотуку излезе, па ако сè уште не сте го добиле, почекајте неколку дена (или недели), но дефинитивно треба да биде достапна на глобално ниво.
Исто така, основачот на APKMirror, Артем Русаковски неодамна објави дека WhatsApp го поместува индикаторот за пишување што сега се наоѓа под името на контактот, што е малку незгодно.
На повеќето апликации за пораки, индикаторот дека некој ни пишува порака се наоѓа во самиот чет, односно местото каде што ќе ја примиме пораката, па така наскоро ќе биде и кога станува збор за WhatsApp.