Samsung CryptoCore, модулот за шифрирање на Samsung, обезбедува засилена безбедност на податоците преку своите производи за приказ

Samsung Electronics денес објави дека нивниот сопствен криптографски модул, Samsung CryptoCore, го доби престижниот FIPS 140-3 сертификат од Националниот институт за стандарди и технологија (NIST). Овој сертификат ја потврдува посветеноста на Samsung за обезбедување водечка сигурност и заштита на податоците за корисниците на паметни телевизори.

„Со сè поголемата поврзаност на системите за домашна забава, за технолошките компании од огромно значење е да ги заштитат личните податоци што овозможува беспрекорно поврзување во кое уживаат многу корисници,“ изјави Јонгџае Ким (Yongjae Kim), извршен потпретседател и раководител на тимот за истражување и развој, Visual Display Business во Samsung Electronics. „Со интеграција на CryptoCore со сертификатот FIPS 140-3 во нашите паметни телевизори, Samsung ја подигнува својата посветеност на безбедноста на домашната забава на ново ниво, обезбедувајќи корисниците слободно да ја искусат вредноста на нашите производи.“

Од 2025 година, Samsung CryptoCore ќе биде целосно интегриран во Tizen OS, оперативниот систем за паметни телевизори на Samsung, за зајакнување на безбедноста на клучни производи како што се телевизорите, мониторите и дигиталните натписи. Со вграден Samsung CryptoCore во Tizen OS, личните податоци поврзани со сметките на Samsung ќе бидат безбедно шифрирани, информациите за автентикација преку SmartThings ќе бидат заштитени од надворешни хакерски закани, а содржината гледана на телевизорите ќе има корист од подобрена заштита на авторските права.
Од 2015 година, Samsung ги опремува своите паметни телевизори со Samsung Knox, безбедносна платформа која 10 последователни години го добива Сертификатот за општи критериуми (CC). Но, со новодобиениот сертификат FIPS 140-3, Samsung уште повеќе ја зајакнува својата одбрана од хакерски напади и пробиви во податоците, проактивно заштитувајќи ги личните информации со напредна технологија за шифрирање.

Признаен од владите во 10 земји, сертификатот FIPS 140-3 бара опсежно тестирање на криптографските модули за да се осигура нивната безбедност, интегритет и сигурност. За корисниците, ова значи дека паметните телевизори на Samsung нудат најсовремена заштита од нарушување на приватноста, овозможувајќи им на корисниците безбедно и без грижи да уживаат во својата содржина, да поврзуваат паметни уреди и да користат IoT услуги.

За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.