Meta AI развива нова функционалност наречена „Chat Memory“, која ќе му овозможи на WhatsApp да ги запомни разговорите што ги имал корисникот со вештачката интелигенција за да ги направи одговорите порелевантни.
Оваа опција има за цел да ги направи интеракциите со вештачката интелигенција поинтуитивни и персонализирани, бидејќи одговорите ќе се засноваат на претходно споделени детали.
Оваа нова можност ќе им помогне на корисниците да избегнат повторување на истите информации, што ќе го олесни процесот на комуникација и ќе го направи поприроден.
Функцијата беше забележана во најновата бета верзија на WhatsApp за Android (2.24.22.9), а според достапните информации, Meta AI ќе запомни специфики од разговорите, со што ќе го подобри корисничкото искуство преку приспособени одговори. Корисниците ќе можат сами да одлучат кои информации сакаат да ги споделат и зачуваат, како и да упатуваат кои информации не сакаат да се чуваат.
Ова овозможува целосна контрола врз приватноста на корисниците, што е важен аспект на оваа опција, нагласува WccfTech.
Останува нејасно дали податоците што се чуваат на WhatsApp ќе бидат достапни на други платформи, како што се Facebook или Instagram, доколку сметките се поврзани.
Функцијата моментално е во развој и достапна за бета-тестерите, но сè уште нема информации за точниот датум на објавување за пошироката јавност или официјалната верзија.