Sony го претстави PlayStation 5 за време на пандемијата на коронавирус, а првиот период на продажба беше обележан со недостиг предизвикан од проблеми со достапноста на компонентите.
Со текот на времето, ситуацијата се подобри, а додека јапонската компанија работи на подобрена верзија на петката, се повеќе се шпекулира за целосно нов модел – PlayStation 6.
Според некои претходни коментари на експерти за овој пазар, тоа би можело да биде дури и последната конзола за игри на Sony, бидејќи тие во иднина би можеле да бидат заменети со облак услуги.
Претходните гласини за PlayStation 6 велеа дека овој модел би можел да се појави во продажба помеѓу 2028 и 2030 година, додека најновите информации објавени на веб-страницата Tech Times споменуваат дека тоа би можело да биде уште порано – 2027 година.
Ако го погледнеме животниот циклус на изминатите две генерации, тоа беше седум години, што е уште еден аргумент за гласините кои го споменуваат лансирањето на новата генерација во 2027 или 2028 година.
Дотогаш има уште многу време, па тешко е да се предвиди каков хардвер би можела да има конзолата, но според гласините кои кружат на интернет, се чини дека Sony ќе продолжи со успешното партнерство со AMD.
Исто така, имајќи предвид дека трендот на пазарот е насочен кон целосно дигитални конзоли, за очекување е шестката да има и SSD со голем капацитет – се споменува модел со простор за складирање најмалку 1 TB.