„Ќе ми го украдат телото и ќе прават што сакаат со него користејќи вештачка интелигенција“.
Николас Кејџ им се придружи на зголемениот број критичари на вештачката интелигенција во Холивуд – иако тој самиот дозволи неговото тело да се скенира токму за оваа цел.
Во едно неодамнешно интервју, 60-годишната холивудска ѕвезда изјави дека ќе биде „скениран“ за некои претстојни проекти кои може или не вклучуваат употреба на вештачка интелигенција.
„Па, мора да ме уфрлат во компјутер и да ја споредат бојата на очите и да ги сменат – не знам…“, рече тој во интервјуто. „Тие само ќе ми го украдат телото и ќе прават што сакаат со него преку дигитална вештачка интелигенција“.
„Господе, се надевам дека не е вештачка интелигенција“, продолжи Кејџ, малку збунет. „Се плашам од тоа. Бев многу гласен против тоа“.
Кејџ претходно бил подложен на AI третман (иако безопасен) без негова согласност и во неколку наврати го изразил своето незадоволство за вештачката интелигенција.
Тој го спомна моментот минатата година, кога накратко се појави како Супермен во „The Flash“, и дека тоа видео се разликува од она што го снимал.
„Она што требаше да го направам беше буквално да застанам во алтернативна димензија и да сведочам на уништувањето на универзумот. Кога отидов на премиерата, се видов себеси како се борам со џиновски пајак. Не го направив тоа“, истакнува Кејџ.
Во истото интервју минатата година, Кејџ ја нарече AI технологијата „кошмар“.