По опсежни анализи, инвестициската компанија Wedbush открива дека Apple ќе доживее значително зголемување на продажбата благодарение на претстојната серија iPhone 16.
Инвестициската компанија Wedbush откри ветувачка прогноза за претстојниот Apple iPhone 16, предвидувајќи значителен раст на продажбата и голема надградба поттикната од напредните способности за вештачка интелигенција, т.е. Apple Intelligence системот.
Врз основа на опсежна анализа на синџирот на снабдување во Азија, Wedbush посочува дека Кина го доживеа последниот квартал на пад на продажбата на iPhone. Како што објави Apple Insider, компанијата предвидува силно закрепнување на пазарот што ќе се совпадне со претставувањето на новиот iPhone 16 во септември.
Се предвидува и зголемување на продажбата на услугите и хардверот на Apple, што секако позитивно ќе се одрази на цената на акциите на компанијата.