Милиони луѓе од Мексико до Америка и Канада го гледаа целосното затемнување на Сонцето.

Месечината првин го покри Сонцето за набљудувачите во Мексико, потоа во Тексас и понатаму небото над САД и Канада.

Голем број луѓе во мексиканскиот град Мазатлан ​​први го видоа затемнувањето на Сонцето. Овој феномен потоа се пресели во САД, каде што беше видлив во 13 земји, а заврши во Канада, јавува Би-би-си.


Кога ќе го достигне максимумот, Месечината целосно ќе го покрие Сонцето, а небото ќе се стемни четири минути, пренесува „Ројтерс“.

За време на целосното затемнување, Месечината полека се приближува до Сонцето додека целосно не го покрие, а самракот ќе биде доволно долг за да се видат планетите, ѕвездите, а можеби дури и кометата.

Темнината во текот на денот трае до 4 минути и 28 секунди, што е речиси двојно подолго од затемнувањето во САД пред седум години бидејќи Месечината е поблиску до Земјата.

Во градовите, како Далас, или на Нијагарските Водопади, повеќето резервации за периодот на целосното затемнување беа направени повеќе од два месеца однапред, многу порано од вообичаеното и многу порано отколку што сопствениците сфатија дека може да ги зголемат цените.

Жителите на Алјаска ќе треба да чекаат до 2033 година за следното целосно затемнување, Северна Дакота и Монтана до 2044 година, а жителите на Флорида до 2045 година, според „Економист“.