Huawei потпиша договори за лиценцирање на патенти со други технолошки и мобилни компании, како Oppo и Samsung, а сега договорот е постигнат со Xiaomi.
Откако Huawei Technologies минатиот месец го обнови договорот за лиценцирање на патенти со Ericsson, кинеската компанија сега најави потпишување сличен договор со друга мобилна компанија. Според информациите објавени од Ројтерс, Huawei и Xiaomi потпишале глобален договор за вкрстено лиценцирање на патенти, кој меѓу другото вклучува и комуникациски технологии како 5G.
Исто така, со истиот договор беше решен спорот околу прекршувањето на патентите меѓу овие компании, кој трае веќе извесно време. Пред половина година, Huawei поднесе тужба против Xiaomi во Кина за наводно прекршување на четири нивни патенти. Станува збор за патенти поврзани со комуникациски технологии, фотографирање на паметни телефони и технологија за заклучување на екранот. Со договорот што сега е постигнат, тие прашања за лиценцирање се минато, како и тужбата.
Huawei има потпишано договори за лиценцирање на патенти со други технолошки и мобилни компании, како што се Oppo и Samsung и гореспоменатите Ericsson.
Инаку, оваа кинеска компанија лани остварила приходи од такси за патенти од околу 560 милиони долари, што е повеќе од парите што ги платила за такси во последните две години. Причината за тоа се наоѓа во падот на продажбата на нивните паметни телефони, поради што сумата на пари што требаше да ја платат на имателите на интелектуална сопственост и патенти е помала.