Марк Цукерберг на својот Фејсбук профил објави дека на WhatsApp доаѓа побезбеден начин за пренос на податоци од стар на нов уред.
WhatsApp добива уште еден начин за пренос на разговори и датотеки на нов телефон, без користење резервни копии во облакот. Целиот процес ќе започне со скенирање на QR кодот на стариот телефон, а преносот ќе се одвива локално преку Wi-Fi Direct.
„Ако сакате да ги преместите вашите разговори WhatsApp на нов телефон, сега можете да го направите уште побезбедно за вашите податоци да не ги напуштаат вашите уреди“, напиша извршниот директор на Мета, Марк Цукерберг на својот Фејсбук профил со видео кое покажува како изгледа трансферот.
Новиот начин за префрлување разговори во моментов е достапен за корисниците на WhatsApp бета, но наскоро ќе биде претставен за сите корисници. Треба да се напомене дека префрлањето на овој начин функционира само помеѓу два исти оперативни системи, односно од Android на Android и од iOS на iOS.