Најновата анализа на Counterpoint Research наведува дека Samsung плаќа 469 долари за почетната варијанта на телефонот Galaxy S23 Ultra. Најголем дел од таа сума оди за процесорот на Qualcomm, компонентите за мобилно поврзување и дисплејот.
За производство на S23 Ultra со 8GB RAM и 256GB внатрешна меморија, како и под-6GHz 5G конекција, Samsung плаќа 469 долари. Така барем наведува Counterpoint Research во својата најнова анализа, истакнувајќи дека 35 отсто од производната цена се плаќа за Snapdragon Gen 2 на Qualcomm за Galaxy SoC, како и за компонентите потребни за мобилно поврзување.
18 отсто од цената оди на LTPO екранот на Samsung, додека за систем од вкупно пет камери потребно е да се издвојат 14 отсто од производната сума. Дури 11% оди на меморија, 8% на куќиште, додека останатите делови сочинуваат уште 15% од цената.
Имајте предвид дека цената од 469 долари не вклучува други трошоци, како што се истражување на пазарот, развој на производи, маркетинг, логистика, поддршка на клиентите и слично. Производната цена се зголемува и за варијантата со 12 GB RAM и 512 GB внатрешна меморија.
Како што пренесува GSM Arena, не е познато колку чинеше производството на минатогодишниот модел Ultra, но од постарите податоци на Counterpoint Research може да се дознае дека почетниот модел S21 Ultra чинел 533 долари, а Galaxy Note 20 Ultra 550 долари. Двете варијанти беа конфигурирани со чипови на Qualcomm, поврзани со 8 GB RAM и 128 GB внатрешна меморија.
За потсетување, препорачаната малопродажна цена за почетната верзија на телефонот Galaxy S23 Ultra е околу 1.450 евра. За посилната верзија со 12 GB RAM и 512 GB меморија треба да одвоите околу 1.640 евра, додека најсилната верзија со 1 TB простор за складирање чини околу 1.880 евра.