RARBG, добро позната сајт за торенти, денеска ги прекина сите операции. Оваа платформа е извор на бројни филмски и телевизиски изданија за милиони корисници ширум светот. Но, денес дојде моментот корисниците да се збогуваат со него. Постојат повеќе причини зад оваа ненадејна одлука, а последицата е несомнено крајот на една значајна ера.
Основан во 2008 година, RARBG стана важен фактор во светот на torrent. Оваа страница привлекуваше милиони посетители од целиот свет секој месец и беше главната точка за дистрибуција на пиратски содржини
Денес, ненадејно, по 15 години работа, му дојде крајот на овој сајт. Тимот се прости од своите корисници преку порака објавена на насловната страница.
RARBG наведува неколку причини зад овој неочекуван потег, вклучително и здравствени проблеми предизвикани од пандемијата, што доведе до трагична загуба на еден од членовите на неговиот тим. На оваа одлука влијаеше и конфликтот меѓу Русија и Украина, бидејќи RARBG нагласува дека има членови кои се борат на двете страни.
Значајна улога одиграа и зголемените оперативни трошоци во центрите за податоци низ Европа. Со оглед на приходите кои тешко се во чекор со овие трошоци, затворањето на страницата изгледаше како најрационална одлука на крајот.
Ова исклучување е едно од најголемите во историјата на торент-страниците. Тоа е, исто така, првото големо исклучување од 2015/2016 година, кога KickassTorrents, Torrentz и ExtraTorrent ја напуштија сцената.
Несомнено, ќе има многу кои ќе бидат желни да го преземат брендот RARBG. Но, вистинскиот RARBG повеќе не постои.