Компанијата тврди дека го поправила проблемот што неодамна се појави со приватни твитови.
Во текот на април, корисниците забележаа грешка во функцијата Twitter Circle, поради што приватните твитови на платформата беа видливи за странци.
Сега, речиси еден месец подоцна, компанијата конечно се изјасни за ова прашање. Твитер им објасни на истражувачите дека грешката се појавила како резултат на „безбедносен инцидент што се случил претходно оваа година“.
Од компанијата тврдат дека проблемот веднаш бил решен и им се извиниле на корисниците. „Твитер“ е посветен на заштитата на приватноста на луѓето кои ја користат нашата услуга, а ние сме свесни за ризиците што можат да ги донесат инцидентите како овој и длабоко жалиме за се што се случи“, се вели во соопштението на компанијата.
Твитер се соочува со голем број различни проблеми откако Илон Маск ја презеде компанијата во октомври минатата година. Милијардерот ја намали работната сила на компанијата за најмалку 60 отсто, намалувајќи го голем дел од техничкиот персонал на минимум.
Во текот на изминатите месеци, Twitter доживеа бројни прекини на мрежата, прекини на функциите и создаде општа слика на конфузија со најавите за нови опции и отстранувања.