Лиценците на компанијата, кои им беа понудени на конкурентите, наводно помогнале да се надминат пречките во оваа аквизиција.
Мајкрософт, наводно, ја отстрани големата регулаторна пречка во обидот да го финализира купувањето на Activision Blizzard.
Понудата на компанијата за лиценциранје за конкуренцијата треба да го „омекне“ ставот на Европската унија (ЕУ) за аквизицијата од 59 милијарди долари. ЕУ претходно посочи дека договорот може значително да ја намали конкуренцијата во компјутерските, конзолите и клауд гејмингот.
Мајкрософт вели дека е посветен на понудата на ефективни и лесни за имплементација решенија кои можат да ја смират загриженоста на Европската комисија. Ова особено важи за франшизата Call of Duty, која е главен камен на сопнување во моментов.
Мајкрософт вложи многу напор за да обезбеди долгорочен пристап до Call of Duty на Steam, Nvidia и други платформи. Call of Duty неодамна беше дури и најавен за конзолите на Nintendo доколку се случи купувањето.
Софтверскиот гигант сè уште треба да ја добие наклонетоста на Федералната комисија на САД и регулаторите во ОК, пред да биде завршена аквизицијата на Activision Blizzard. За ова, Мајкрософт има рок до јули.