Мајкрософт објави ажурирање што трајно го оневозможува Internet Explorer на Windows 10.
На 14 февруари, софтверскиот гигант засекогаш го исклучи Internet Explorer, со оневозможување на интернет прелистувачот преку ажурирањето на Microsoft Edge на речиси сите верзии на Windows 10.
Мајкрософт официјално го „пензионираше“ Internet Explorer во јуни минатата година, отфрлајќи го во корист на прелистувачот Microsoft Edge, а поддршката официјално заврши за Internet Explorer 11.
Со најновото ажурирање, Microsoft Edge ќе се погрижи повеќе да не можете ни да го стартувате Internet Explorer 11 на повеќето клиентски верзии на Windows 10. Има некои посебни исклучоци, но за сите други IE 11 ќе исчезне засекогаш.
Технологијата што го напојува Internet Explorer ќе продолжи да добива поддршка. Оваа технологија го напојува IE режимот во Microsoft Edge, а компанијата вели дека ќе продолжи да го поддржува режимот IE за Edge барем до 2029 година.