Microsoft објави дека ќе престане да продава лиценци за Windows 10 од 1 февруари оваа година.
Ова беше објавено на страниците на сите верзии на Windows 10 во Microsoft Store, каде што компанијата предупредува дека последниот ден кога може да се купат лиценците е 31 јануари.
Со други зборови, ова се однесува на сите верзии на системот Windows 10 кои се моментално достапни, вклучувајќи ги Home, Professional и Workstation.
„31 јануари 2023 година ќе биде последниот ден кога преземањата на Windows 10 ќе бидат достапни за продажба. Windows 10 ќе остане поддржан со безбедносни надградби кои помагаат да го заштитите вашиот компјутер од вируси, шпионски софтвер и друг малициозен софтвер до 14 октомври 2025 година“, велат од компанијата.
Од друга страна, купувањето лиценци (key) за Windows 10 всушност сè уште ќе биде можно бидејќи лиценците сè уште ќе бидат достапни од други онлајн продавачи, што значи дека крајот на продажбата на лиценците за Windows 10 важи само за купувањата во продавницата за апликации на Microsoft.
Windows 10, кој го купувате од други продавачи по 1 февруари, ќе биде целосно функционален и целосно поддржан до 2025 година, иако може да се очекува дека ажурирањата ќе се намалуваат со текот на времето.
Microsoft ќе вложи се на Windows 11 и тивко работи на следната голема верзија (Windows 12?), која би можела да биде претставена за две години.