Apple ја претстави серијата iPhone 14 минатата есен. Телефоните од оваа серија имаа одредени проблеми набргу по нивното претставување. Сега корисниците на еден модел од оваа серија пријавуваат чуден проблем.
Се поголем број корисници на iPhone 14 Pro пријавуваат чуден проблем со екранот при вклучување или отклучување на нивните уреди.
Тие наведуваат дека зелените и жолтите хоризонтални линии се појавуваат на екранот и исчезнуваат многу брзо. Она што е важно е да нема долгорочни последици, и самиот уред да функционира без проблеми.
Apple го призна проблемот и вети дека наскоро ќе објави ажурирање на софтверот за да го поправи. Можно е решението на проблемот да пристигне со мала закрпа или со iOS 16.3, кој Apple моментално го тестира со членовите на јавната бета програма.
Сепак, одговорот на Apple не е официјален, но е забележан во интерни белешки помеѓу луѓе во компанијата запознаени со проблемот. Проблемот првпат беше пријавен минатиот месец, така што Apple ќе реагира прилично брзо.
Недолго по лансирањето, корисниците на моделите на iPhone 14, iPhone 14 Plus, iPhone 14 Pro и iPhone 14 Pro Max почнаа да известуваат дека нивните телефони добиваат порака „SIM не е поддржана“. После тоа, екранот замрзнувал некое време.
Исто како и случајот со овој проблем со екранот, Apple набргу потоа официјално призна дека моделите на iPhone 14 навистина го имаат овој проблем. Моделите на iPhone 14 Pro, исто така, имаа проблеми со камерата, како и со функционирањето на функцијата Dynamic Island, додека некои во САД пријавија дека имаат многу слаб 5G сигнал и други проблеми поврзани со мрежата.