Минатата недела, веб-страницата 9to5Mac ги објави првите официјални фотографии на два од очекуваните нови модели iPhone и откри дека тие ќе го носат името iPhone Xs.

Досега не знаевме како ќе биде целосното име на најголемиот уред, но се појави информација дека Apple ќе се раздели со традицијата да го додава зборот Plus кон името.

Во меѓувреме, два извора на истиот сајт откриваат дека компанијата планира да се обложи на името iPhone Xs Max за моделот со 6.5-инчен OLED екран. Засега нема информации како ќе се вика очекуваниот поевтин модел со 6.1-инчен LCD екран.

Премиерата на новите телефони на Apple ќе биде на 12 септември во седиштето на компанијата во Купертино, а на неа очекуваме да видиме и нови паметни часовници.