Информациите од сметките на Твитер на 200 милиони корисници се достапни бесплатно на форум за хакерство, според истражувачите за сајбер безбедност.
Истражувачите од Privacy Affairs велат дека податоците доаѓаат од добро познат список информации, во рамките на кој се детали за 400 милиони корисници на Твитер биле понудени на продажба на dark web во декември.
Експертите за сајбер безбедност посочуваат дека ова не се нови протечени податоци. Податоците вклучуваат имиња на сметки, @име, датум на создавање сметка, број на следбеници и адреси на е-пошта.
Се вели дека податоците, кои се нудат на хакерскиот форум, не ги вклучуваат лозинките на корисниците. Сепак, се истакнува дека достапните адреси на е-пошта поврзани со наведените сметки може да се користат за одредување на идентитетот или локацијата на сметката, со цел да се создадат напади.
Адресите на е-пошта може да се користат и за спамирање или лажни маркетинг кампањи или за испраќање лични закани до индивидуални корисници.
Безбедносните истражувачи велат дека не се сигурни како се добиени податоците за корисниците на Твитер, иако хакерите велат дека ги добиле со собирање информации од самите корисници.