Вештачката интелигенција (AI – Artificial intelligence) доживува невиден бум во последниве години, поради што многумина стравуваат дека во иднина ќе може да врши работи кои досега ги извршувале луѓето.

Она што се случува во моментов е отворање на можноста за човечка интеракција со решенија за вештачка интелигенција („јазични модели“) и тоа на импресивно ниво.

Веќе е објавено истражување кое покажува дека решенијата за AI за комуникација/разговор во сите мерни сегменти имаат повисоко ниво на коефициент на интелигенција од просечниот човек и фасцинантна способност за прилагодување.

Секојдневно во медиумите и социјалните мрежи излегуваат нови информации за решенија кои ќе бидат овозможени со вештачка интелигенција, па сега знаеме дека наскоро нашата работа со табелите на Excel ќе биде многу помалку макотрпна и ќе се отвори свет на нови можности.

Приказните за тоа како ChatGPT и слични решенија драстично ќе ги прошират можностите на пребарувачите како Google во иднина станаа вообичаени.

Со оглед на тоа колку убаво се изразува ChatGPT, сега стана јасно дека наскоро може да бидат загрозени голем број работни места во професиите кои живеат на пишаниот збор, или новинарите ќе добијат нов соработник во форма на решение за вештачка интелигенција.

Но, револуцијата на вештачката интелигенција наскоро ќе биде многу поширока од пишаниот збор. Во подкаст кој е објавен на социјалните мрежи, AI „глуми“ и новинар и свој стручен соговорник кои на неверојатен начин дискутираат на научна тема.