Apple беше изложен на многу критики за користење на истиот дизајн за речиси секој iPhone. Еден инженер решил да го поправи ова, создавајќи закривен iPhone 14 Pro Max.

Инженерот, со прекар fix Apple (@lipilipsi) на Твитер истакна дека создавањето на закривениот модел iPhone 14 Pro Max го постигнал со промена на средната рамка на телефонот.

На видеото, објавено на Твитер, телефонот изгледа беспрекорно, па дури и Dynamic Island е на место. Сепак, не се споменува дали екранот на допир е функционален или не.

Се разбира, сите знаат дека Apple не сака телефоните на компанијата да се модифицираат и fix Apple може да биде во неволја, но сепак ветува дека ќе создаде закривени екрани за луѓето кои го сакаат тоа.

Нема информации за цената на овој процес или за кои модели на iPhone се применува. Засега, заоблениот екран е виден само на iPhone 14 Pro Max.

Во биографијата на @lipilipsi стои дека работел како инженер во Apple и Huawei.