Полицијата во Сан Франциско побара дозвола од локалните власти да користи роботи кои ќе имаат способност да убиваат осомничени за кои се смета дека се преголема закана, односно да претставуваат ризик за животите на полицајците и граѓаните во ситуација каде што нема други опции.
Предлог-законот е веќе изработен, а таа работа исто така ја заврши полицијата. Но, ваквиот закон веќе наиде на противење со ставот дека „роботите нема да се користат за употреба на сила против ниту едно лице“.
Полициските сили моментално располагаат со дузина целосно функционални роботи со далечинско управување, кои вообичаено се користат за проверки на подрачјето и за отстранување бомби. Сепак, како што покажа полицијата во Далас во 2016 година, роботите претставуваат одлична платформа за доставување бомби. Единиците за отстранување бомби често се опремени со пушки со „ќорци“ што се користат за попречување на работата на експлозивна направа, иако нема ништо што ја спречува полицијата да употреби боева муниција доколку е потребно.
Иако Сан Франциско никогаш конкретно не дозволил роботите да убиваат луѓе, смртоносните автономни оружја се сè почести во модерното војување. Противпешадиските мини, една од најраните автоматски оружја, беа забранети во 1997 година, а целосно автоматизирани одбранбени системи како што се бродските системи Фаланга се користат од 1970-тите. Автономните офанзивни системи како беспилотни летала и борбените беспилотни летала се користат со години, но секогаш има човек кој е одговорен за пукање на оружјето.
Полицијата во Сан Франциско, честопати принудена на скапи нагодби поради прекумерна употреба на сила и приговарајќи на истрагите за нивната „наклонетост“ за тепање со палки, сега очигледно сака дополнителна моќ што ја прави разликата помеѓу животот и смртта, пишува Engadget.