Модифициран американски воен хеликоптер Black Hawk изврши лет без екипаж меѓу планините за да доставува резерви на крв во симулирана мисија.
Хеликоптерот цело време бил под контрола на компјутерот за летање и летал ниско и брзо низ долината, а на крајот ја поминал патеката долга 134 километри и успешно доставил залихи на крв.
За време на вториот тест, тој демонстрирал кревање товар тежок повеќе од еден тон и докажал дека може да ги смени траекториите и да „крене“ кукла што претставувала ранет војник. Пробните летови беа извршени за време на вежба во октомври.
„Тоа е навистина автономен систем. Откако ќе се постави задача, нема потреба од врска со податоци бидејќи хеликоптерот сам носи одлуки“, рече Игор Черепински од Sikorsky Innovations.
Тоа беше најновиот развој во програмата ALIAS на Агенцијата за напредни истражувачки проекти за одбрана, која ја тестира технологијата MATRIX на Sikorsky, пакет што може да го претвори хеликоптерот во автономен авион. Првите кратки летови без човечки екипаж беа извршени во февруари.
„Мислам дека тоа е значителен скок од претходните вежби и експерименти. Летот од 134 километри е значително растојание“, рече Стејси Петиџон.
За време на последната вежба, хеликоптерот Black Hawk носел 250 килограми симулирана и вистинска крв. Леташе ниско, 60 метри над земјата и достигна брзина од 185 km/h меѓу планините, потпирајќи се на сензори за да избегне удар во пречка.
За време на летот, кој вклучуваше подигнување на тон товар прикачен на кабел долг 12 метри, хеликоптерот полета кон одредената зона за слетување. Беше прикажано како едно лице може да испрати команди до беспилотен хеликоптер користејќи таблет компјутер за да фрли товар, а потоа да го смени правецот и да земе жртва на бојното поле.
Ваквите хеликоптери би можеле да се користат за снабдување на армијата без да се ризикуваат животите на пилотите, но и за извршување на помалку опасни мисии додека екипажот одмара.