Компанијата Sony официјално го претстави новиот паметен телефон наречен Xperia 5 IV.

По изглед, новиот смартфон е речиси идентичен по големина со моделот Xperia 5 III, а иако е пократок и потесен за 1 mm, сепак е потежок за 4 грама.

Најголемо внимание привлекува 6,1-инчниот OLED екран со резолуција од 1.080 x 2.520 пиксели со променлива стапка на освежување од 120 Hz, а новиот панел е 50 отсто посветол од стариот.

Батеријата е 10 проценти поголема со капацитет од 5.000 mAh, што може да се наполни до 50 проценти за 30 минути преку PD полнач од 30 W. Sony ветува дека батеријата ќе остане „здрава“ до три години.

Сепак, полначот се купува посебно, па дури и USB-кабелот бидејќи Sony ја отстрани целата пластика од многу компактното пакување. Позитивно е тоа што, Xperia 5 IV има безжично полнење, прво за серијата 5.

Што се однесува до камерите, има три камери на задната страна, главна, ултра широка и телефото од по 12 MP.

Сите три објективи имаат автофокус, додека широките и телефото објективите имаат оптичка стабилизација.

Напред е и селфи камера од 12 MP.

Уредот се напојува со процесор Snapdragon 8 Gen 1, кој е комбиниран со 8 GB RAM и 128 или 256 GB внатрешна меморија. Има и слот за microSD за проширување на меморијата, а смартфонот има и 3,5 милиметарски приклучок за слушалки.

Дел од уредот се стерео звучниците, како и „аудио магија“ вклучувајќи Dolby Atmos, Hi-Res Audio, DSEE Ultimate и 360 Reality Audio технологија.

Смартфонот е отпорен на вода и прашина според стандардот IP68, а од двете страни е заштитен со Gorilla Glass Victus стакло.

Продажбата во Европа започнува овој месец по цена од 1.049 евра, а уредот ќе биде достапен во зелена, црна и бела Екру.