Доколку сте испратиле несоодветна порака на WhatsApp на погрешна личност, сега ќе имате можност да го „зачувате образот“ бидејќи ќе имате повеќе време да ја избришете.
Корисниците на WhatsApp сега имаат нешто повеќе од два дена по испраќањето порака да ја избришат, наместо претходното ограничување од еден час.
За да започнете со користење на функцијата веднаш, отворете го групниот или индивидуалниот разговор WhatsApp каде што сте ја испратиле пораката. Долго притиснете на содржината што сакате да ја избришете, потоа кликнете „Delete“ и потоа изберете помеѓу опциите „Delete for everyone“ или „Delete for me“.
Сепак, треба да знаете дека има „цака“. Сите примачи мора да се ажурираат на најновата верзија на WhatsApp за споменатиот процес навистина да функционира. Ако пораката не е избришана, нема да добиете известување за тоа.
Ова е секако корисна карактеристика и може да му даде предност на WhatsApp во споредба со услугата iMessage на Apple, која сè уште не ја нуди споменатата функција.
Засега, iOS 16 бета верзијата на корисниците им нуди двеминутен прозорец за бришење на погрешна порака, но само доколку примачот ја има преземено и бета верзијата на платформата.