Актуелниот оперативен систем на Мајкрософт го загуби уделот на пазарот во текот на изминатиот месец на платформата Steam.
Windows 11 е најновиот и најголем оперативен систем на Мајкрософт, и бидејќи платформата достигна широка распространетост, има смисла што сè повеќе корисници ја испробуваат.
Сепак, според податоците објавени од платформата за игри Steam, некои корисници кои се обиделе со Windows 11, всушност потоа се префрлиле на Windows 10. Најновиот оперативен систем на Мајкрософт изгуби удел на пазарот во текот на изминатиот месец.
Windows и понатаму е водечка платформа за компјутери за игри, со пазарен удел од 97,03 отсто, што претставува зголемување од 0,66 отсто во споредба со претходниот месец.
Windows 10 64-bit беше најголемото изненадување во текот на јуни, забележувајќи рекорден раст од 1,91 отсто (држејќи 73,17% од пазарот). Windows 11 имаше пад од 0,11 отсто и сега држи 21,12 отсто од пазарот.
Кога станува збор за другите оперативни системи, macOS е втор најпопуларен избор, но со вкупен удел од само 1,74 проценти. Во текот на јуни, Linux постигна раст и сега има удел од 1,23 отсто од уредите со инсталиран Steam.