Како што вети компанијата Google, новиот изглед на Gmail полека доаѓа до сите корисници ширум светот.
Промените во дизајнот не се големи, а повеќе се работи за освежување на корисничкиот интерфејс. Секциите Meet, Chat и Spaces сега се поблиску и се дел од целокупното ново искуство, инкорпорирајќи елементи од дизајнерскиот јазик на Google Material Design 3.
Google не застанува тука, па најави дека подоцна оваа година корисниците на Gmail на таблети ќе видат подобрувања, подобра поддршка за емотикони и повеќе функции за пристапност, меѓу другите подобрувања.
Оние кои користат Gmail за работа можеби веќе го добиле новиот изглед, а Google ја остави опцијата да се врати на стариот дизајн за оние на кои навистина не им се допаѓаат промените. Се уште не е познато колку долго ќе биде достапна оваа опција.
Новиот интерфејс ги поместува копчињата Mail, Meet, Spaces и Chat на една листа на горниот дел од левата странична лента наместо да прикажува неколку разговори од секој дел од листата. Сепак, тие се уште се лесни за пристап бидејќи списокот „се појавува“ кога ќе се пројде преку него со маусот.
Промените се дел од новиот пристап на Google кон пакетот Workspace, кој треба да донесе уникатен стил и нови функции со вештачка интелигенција како подобрено пребарување на Gmail.