Apple го претстави iOS 16 минатиот месец на WWDC. Оттогаш програмерите пробаа неколку верзии, но на 11 јули пристигна првата јавна бета верзија за корисниците кои се пријавиле на јавната бета програма и оние кои ќе се пријават.
iOS 16 е претставен со многу промени во споредба со iOS 15. Корисниците кои имаат компатибилен iPhone уред (оној што треба да ја добие надградбата), може едноставно да го пријават својот уред во бета програмата за да ја добијат првата јавна бета верзија на iOS 16.
Оттогаш, корисниците ќе добиваат последователни бета-верзии како софтверски надградби, додека не го добијат конечното издание на iOS 16, кое треба да пристигне есента оваа година, заедно со серијата iPhone 14.
Со оглед на тоа дека е првата јавна бета верзија, не се очекува да биде совршена, туку обратно – веројатно е полна со разни мали, а можеби и поголеми багови. Затоа, навистина не е најдобрата идеја да го ажурирате вашиот iPhone на првата јавна бета верзија.
Кога станува збор за самиот iOS 16, најголемата промена е изгледот на заклучениот екран, кој всушност е целосно редизајниран. Иако се очекуваше дека iOS 16 ќе донесе и AOD поддршка (Always On Display), тоа не се случи, но се наведува дека поддршката за AOD ќе биде достапна за следната генерација на iPhone уреди, односно серијата iPhone 14.
Исто така, една од новитетите е изворна поддршка за Nintendo Switch Joy Cons и Nintendo Pro Controller, т.е. уредите со iOS 16 ќе можат да се поврзат со Nintendo Switch Joy Cons и Nintendo Pro контролер.
Постои и функција наречена Автоматска верификација. Како што сугерира името, оваа функција автоматски ќе им даде до знаење на некои веб-локации и апликации дека сте луѓе, така што нема да мора да ги решавате барањата CAPTCHA.