Новата функција, која Twitter ја тестира, се вика CoTweet и е привремен експеримент, велат од компанијата.
Twitter експериментира со нова функција која им овозможува на две сметки заеднички да креираат твит. Компанијата ова го нарекува „CoTweet“, а функцијата моментално се тестира од одредени сметки во САД, Канада и Кореја.
Share a Tweet, share the cred.
Now testing CoTweets, a new way to Tweet together. pic.twitter.com/q0gHSCXnhv
— Twitter Create (@TwitterCreate) July 7, 2022
Со CoTweet, две сметки може да се поврзат како автори на еден твит, кој ќе се појави во временските линии на двете сметки. Се чини дека функцијата е повеќе насочена кон брендовите и креаторите отколку кон стандардните корисници на Twitter.
„CoTweets им помага на авторите да го споделат вниманието на јавноста, да ги отклучат можностите за ангажирање нова публика и да ги подобрат нивните воспоставени партнерства“, објаснува Twitter.
Функцијата првпат беше забележана во февруари оваа година, кога започнаа првите тестови.
Забележано е дека CoTweet е привремен експеримент, но нема информации кога функцијата би можела да стане пошироко достапна.