Вселенското летало, односно сондата OSIRIS-REx, испратена во вселената од американската вселенска агенција НАСА, тргнува на нова мисија по посетата на астероидот Бену и собирањето примероци.
НАСА ја продолжи мисијата на сондата, која сега ќе го проучува астероидот Апофис во период од 18 месеци. Мисијата ќе добие ново име, OSIRIS-APEX (OSIRIS-Apophis Explorer), а до астероидот ќе патува 30 дена откако ќе прелета над Земјата на 24 септември 2023 година. Сепак, овој пат нема да зема примероци, туку ќе дејствува со неговите туркачи на површината на астероидот за да го изложи она што е под него заради проучување.
Апофис и претходно привлекуваше внимание поради страв дека би можел да се судри со Земјата во 2029 година, но научниците тврдат дека тоа нема да се случи. Сепак, астероидот и понатаму треба да се разгледува бидејќи ќе биде најблиску до Земјата кога станува збор за познати астероиди со приближна големина. Научниците сакаат да го проучат ефектот на гравитацијата на Земјата врз него. За разлика од астероид кој се поврзува со карбонски хондритски метеорити, Апофис е поврзан со вообичаени хондрити.
Продолжувањето на мисијата нема да биде евтино бидејќи ќе чини дополнителни 200 милиони долари на веќе утврдени трошоци од 1,16 милијарди долари. Сепак, инвестицијата би можела да биде исплатлива доколку новата мисија им помогне на научниците подобро да ги разберат астероидите и ризиците што тие можат да ги претставуваат за Земјата.