TikTok го тестира копчето за коментар „не ми се допаѓа“, кое е дизајнирано да им овозможи на корисниците да означат несоодветна содржина.

Споменатата опција беше најавена во блог објава на компанијата, а копчето dislike на TikTok се појавува како икона со палецот надолу, која се наоѓа десно од иконата на срцето, која веќе е достапна до коментарите.

Опцијата моментално не е достапна за сите корисници, а TikTok планира да ја испорача глобално во текот на следните неколку месеци.

„Почнавме да ја тестираме опцијата за корисниците да ги идентификуваат коментарите за кои веруваат дека се неважни или несоодветни“, се вели во соопштението на компанијата.

Корисниците веќе можат да го покажат своето несогласување со нешто на TikTok со долго притискање за да го повикаат менито и да ја изберат опцијата „not interested“. Има и опција за пријавување коментари, со долго притискање на опцијата „Report“.