Повеќе од 15 години по основањето, Твитер потврди дека копчето „edit“ конечно е на пат. Тоа го потврди компанијата преку твит, нагласувајќи дека на таа функција работи од минатата година.
Твитер не објави премногу детали, но беше прикажан нацрт на функцијата, која прво ќе биде тестирана од претплатниците на Twitter Blue во текот на следните месеци.
now that everyone is asking…
yes, we’ve been working on an edit feature since last year!
no, we didn’t get the idea from a poll ?
we're kicking off testing within @TwitterBlue Labs in the coming months to learn what works, what doesn’t, and what’s possible.
— Twitter Comms (@TwitterComms) April 5, 2022
Додаваат дека компанијата не добила идеја од анкетата, посочувајќи на неодамнешното прашање кое Илон Маск им го постави на корисниците.
Тој претходно стана најголем акционер на Твитер, купувајќи 9,2% од акциите во компанијата.
Твитер во минатото се двоумеше дали да додаде копче за уредување на твит поради страв дека таквата функција може да се искористи за ширење дезинформации. Од компанијата истакнуваат дека сакаат да се погрижат да се види кога е променет одреден твит и како дошло до тоа.
3/ Without things like time limits, controls, and transparency about what has been edited, Edit could be misused to alter the record of the public conversation. Protecting the integrity of that public conversation is our top priority when we approach this work.
— Jay Sullivan (@jaysullivan) April 5, 2022
Дополнително, овозможувањето на копчето „edit“ прво за претплатниците на Twitter Blue може да биде значително подобрување за неодамна објавената претплатничка услуга на компанијата. За 2,99 долари месечно, Twitter Blue им нуди на корисниците дополнителни функции, како што се „undo“ за твитови и пристап до NFT профилни фотографии.
Се очекува дека функцијата за уредување твитови нема засекогаш да остане ограничена само на корисниците кои плаќаат претплата на Твитер, и се очекува да биде достапна за сите по периодот на тестирање.