Социјалната мрежа Facebook забележа пад на дневни активни корисници за првпат во својата 18-годишна историја.
Матичната компанија на Facebook, Meta Networks, соопшти дека бројот на дневни активни корисници паднал на 1,929 милијарди во трите месеци до крајот на декември, во споредба со 1,930 милијарди во претходните три квартали.
Компанијата исто така откри дека го забавува растот на приходите бидејќи се соочува со конкуренција од ривалите како што се TikTok и YouTube, а огласувачите исто така трошат помалку пари.
Вредноста на акциите на Meta падна за повеќе од 20 отсто, што резултираше со губење на пазарната вредност од околу 200 милијарди долари.
Сепак, има и остар пад на вредноста на другите платформи, вклучувајќи ги Twitter, Snap и Pinterest.
Директорот и основач на Facebook, Марк Закерберг, рече дека падот се должи на фактот што публиката, особено помладите корисници, го напуштиле Facebook и преминале на страната на ривалите.
Meta ја има втората најголема платформа за дигитално рекламирање по Google, а тежок удар и беше зададен со промената на политиката за приватност на оперативниот систем на Apple. Како резултат на тоа, на брендовите им стана потешко да таргетираат и мерат рекламирање на Facebook и Instagram, а тоа влијание може да изнесува околу 10 милијарди долари оваа година.
Вкупниот приход на Meta, кој главно доаѓа од продажбата на реклами, се зголеми на 33,67 милијарди долари во истиот период, што е малку над очекувањата на пазарот. Приходите се проектирани на 27 до 29 милијарди долари за следниот квартал, што е помалку отколку што очекуваат аналитичарите.
Meta инвестираше во видео содржини за да се натпреварува со TikTok на кинеската компанија ByteDance, но заработува помалку од нејзините традиционални доводи на Facebook и Instagram. Закерберг беше уверен дека инвестирањето во видео и виртуелна реалност ќе се исплати, како и мобилното рекламирање и сторињата на Instagram.