Apple ја објави својата традиционална листа на најдобри апликации и игри за iPhone и другите уреди.
За 2021 година, титулата „Апликација за iPhone на годината“ ја доби програмерот на игри за деца – компанијата Toca Boca, за апликацијата Toca Life World.
Кога станува збор за игрите, League of Legends: Wild Rift, од Riot Games, е прогласена за „игра на годината на iPhone“.
Други победници се: LumaFusion (апликација за iPad на годината), MARVEL Future Revolution (игра на годината за iPad), Craft (Апликација за Mac на годината) и Myst (Игра на годината за Mac).
Победничката апликација – Toca Life World е пофалена за одличното покривање на темите за уметност и игра, како и личното изразување кај децата, дури и десет години по основањето на Toca Boca.
Има и листа на најпреземани апликации во САД. За iPhone, листата на првите пет најпреземани бесплатни апликации е: TikTok; YouTube: Гледајте, слушајте, проследувајте; Instagram; Snapchat и Facebook.
Листата на петте најпопуларни апликации за претплата за iPhone се состои од: Procreate Pocket, HotSchedules, The Wonder Weeks, TouchRetouch и Facetune.