Apple неодамна објави дека поднел тужба против NSO Group. Apple објасни дека NSO Group ја искористиле сега закрпената ранливост, со цел да ја наруши безбедноста на iOS уредите.

Истиот ден кога Apple ја објави тужбата, компанијата објави и статија за системот за поддршка. Во таа објава, Apple открива како планира да ги предупреди корисниците со известувања за закани.

Доколку компанијата се сомнева дека некој хакирал уред на Apple, таа ќе го извести корисникот на два начина.

Прво, Apple ќе прикаже известување за закана на врвот на страницата кога корисникот ќе ја посети и ќе се најави на appleid.apple.com. Покрај тоа, Apple ќе испрати известување на имеил поврзан со корисничкиот ID на Apple и на iMessage на телефонскиот број. Секое од овие известувања за закани ќе ги објасни дополнителните чекори кои може да ги преземе корисникот за да ги заштити своите уреди.

Apple објаснува дека не постои совршен систем за откривање напади. Дури и ако добиете известување за закана, тоа не мора да значи дека странска влада го хакирала вашиот телефон. Можно е некои известувања за закани на Apple да се лажни аларми или некои напади да не се ни откриени.

Известувањата за закани на Apple никогаш нема да бараат од корисниците да кликнат на линкот, да отворат датотека, да инсталираат апликација или да ја откријат нивната лозинка. Ако сакате да знаете дали известувањето е вистинско, најавете се на страницата на Apple ID. Ако не можете да го најдете известувањето на врвот на страницата, некој се обидува да ве измами.

Како да избегнете да бидете жртва на хакирање

Apple објави листа на најдобри практики кои секој треба да ги применува за да остане безбеден онлајн:

  • Ажурирајте ги вашите уреди со најновиот софтвер, бидејќи тоа ги вклучува најновите безбедносни ажурирања
  • Заштитете го уредот со лозинка
  • Користете автентикација во два чекора и силна лозинка на Apple ID
  • Инсталирајте апликации од App Store
  • Користете силни и уникатни лозинки на интернет
  • Не кликајте на линкови или додатоци од непознати испраќачи

Конечно, ако мислите дека некој се инфилтрирал во вашиот телефон, но не сте добиле известување за заканата, побарајте стручна помош. Се разбира, веројатноста дека која било случајна личност ќе биде цел е релативно мала, но секогаш можете да бидете внимателни.

Извор: B92.net